Është mbyllur pas tensioneve mbledhja e kësaj të mërkure në Komisionin e Edukimit. Problemet e brendshme të PD-së janë përciellë në tryezën e Komisionit, ku deputetët Gazment Bardhi dhe Flamur Noka, u përplasën ashpër me koleget demokrate, Flutura Açkën dhe Merita Bakiun.
Në një dalje për mediat, Açka tha se ”Një shfaqje jo e hijshme. Unë kam qenë e qartë në mbështetje të Komisioneve Hetimore. Duke qenë se parlamenti është jofunksional, mendova ta nis vitin mbarë e të themi fjalën tonë si opozitë. E shoh jashtë detyrës sime si deputete të bërtas nëpër korridore”. Aludimeve të Bardhit i ktheu përgjigje duke i thënë që mund t’i drejtohet SPAK.
Lexo edhe :
Related Posts
”E kam për aludimet e hapura, i bëj thirrje Bardhit dhe kujtdo tjetrit që mendon në raport me mua dhe kolegët e tjerë ti drejtohen SPAK, çfarëdo iluzioni që mund t’i drejtohet opinionit publik që në të shumtën e herës cilësohen si retorikë politike, janë shumë të dëmshme në kampin opozitar. Kam keqardhje të madhe që nuk u përfshiva dot në buxhetin katastrofik. Shqiptarët nuk e morën vesh kurrë se çfarë buxheti katastriofik ka për arsimin dhe kulturën”, tha Açka.