Ndeshja mes ekipit të Pukës (Tërbuni) dhe atij të Rrogozhinës (Egnatia) është shoqëruar me dhunë. Pas përfundimit të ndeshjes e cila përfundoi me barazimin 1-1, pukjanët u janë sulur lojtarëve të Egnatias dhe i kanë dhunuar ata.
Mësohet se shkak për këtë dhunë, që ka arritur deri në gjakosje, është bërë pikërisht rezultati i kësaj ndeshjeje, që rrezikon që ekipi i Tërbunit të bjerë në Kategorinë e Dytë.
Fillimisht lojtarët e ekipit të Rrogozhinës, u izoluan në dhomat e zhveshjes dhe prisnin mbërritjen e Forcave të Ndihmës së Shpejtë. Pasi FNSH-ja ka zbarkuar në Pukë, lojtarët e Rrogozhinës janë përcjellë deri në dalje të qytetit.