Gjykata e Tiranës ka lënë në burg për 30 ditë, Zamir Sijanin, i arrestuar për dhunimin e dy personave, babë e bir gjatë protestës së të dielës.
Zijani u filmua nga kamerat duke qëlluar me patericë Ymer Çelën dhe djalin e tij Erjon Celën, gjë për të cilën ish-kryeministri Sali Berisha akuzoi policinë e shtetit.
Ai është një person me precedent të theksuar penal, pasi ka qenë dënuar më parë për trafik droge, mbajtje pa leje të armëve, municioneve dhe lëndëve shpërthyese.
Zamir Sijani në vitin 2005 është dënuar me 5 vite burg për trafikim lëndësh narkotike në Itali, por dënimin e ka vuajtur në Shqipëri. Në vitin 2011 në rrugën e Durrësit në Tiranë është kapur me armë zjarri pistoletë TT, por është nxjerrë nga gjykata pas tre ditësh duke u dënuar për armëmbajtje me 5 mln lekë.
Policia deklaron se Sijani është identifikuar nga pamjet, të cilat i transmetoi media ditën e protestës së 2 qershorit.