Një grindje nisi me fjalë, por shkoi në dhunë të ashpër mes një sanitare dhe drejtoreshës së një kopshti. Ngjarja ka ndodhur paraditen e sotme në kopshtin shtetëror nr.3 në qytetin e Sarandës.
Sanitarja Etleva Meta nuk e ka mirëpritur kërkesën e llogarisë nga drejtoresha Valbona Mehmeti, për mosrespektimin e orarit në punë dhe bërjen e punës.
Raportohet se fillimisht ajo është grindur me fjalë, por konflikti mes të dyjave ka degraduar në rrahje nga ana e sanitares kundrejt drejtoreshës.
Pas ngjarjes u njoftua policia e cila shkoi në vend dhe pas hetimit të kryer ka bërë ndalimin e sanitares Etleva Meta me akuzën “Goditje për shkak të detyrës”.