Deputeti i Partisë Socialiste, Xhemal Qefalia zbuloi në ‘Repolitix’ se Partia Socialiste është për listat e hapura zgjedhore.
‘PS është që listat të jenë të hapura. Brenda partisë të ketë një garë. Mendimi personal është të ishte mazhoritar, deputeti përballë deputetit të krahut tjetër. Në sallën e Kuvendit ka deputetë me 361 vota. Që me kaq vota mblidhet kur bllokohet trafiku. Po të marrësh në të gjithë qarkun e Tiranës dhe të vish në sallën e parlamentit dhe të thuash unë jam përfaqësues me 361 vota. Dil te qytetarët të votuan qytetarët përfaqësoji.’
Nga ana tjetër, ai tha se nga dialogu Ps-Rithemelimi nuk do preket në mënyrë absolute reforma në drejtësi.
‘Nuk do preket në mënyrë absolute. Është mbajtur nën observim nga partnerët strategjikë. Promotore nxitëse e kësaj reforme ka qenë kjo mazhorancë. Filozofia e kësaj mazhorance është që të gjithë të jenë të barabartë para ligjit.’