Një 15-vjeçar dyshohet se ka plagosur aksidentalisht nënën e tij pasditen e kësaj të marte në fshatin Selishtë të Dibrës.
E plagosura, Sh.L., rreth 46 vjeçe, është dërguar në spital dhe po merr ndihmë mjekësore. Fatmirësisht ndodhet jashtë rrezikut për jetën.
Shërbimet e Policisë kanë shkuar menjëherë në vendin e ngjarjes dhe kanë shoqëruar në Komisariat të miturin.
Gjithashtu shërbimet e Policisë kanë sekuestruar armën e zjarrit tip kallashnikov.