Revista “Heathline” në artikullin e saj shkruan për rëndësinë e dietës Zone. Kjo lloj diete këshillon të konsumohen vakte me një sasi të përcaktuar të proteinave, karbohidrateve dhe yndyrës.
Kjo lloj diete nuk është e re, ajo u zhvillua pothuajse tre dekada më parë nga biokimisti Barry Sears, i cili botoi librin e tij “The Zone” në vitin 1995. Kjo lloj diete është e njohur për të ulur inflamacionin.
Sears e ka krijuar këtë dietë, pasi humbi anëtarët e familjes si pasojë e sulmeve në zemër. Qëllimi ishte një dietë për të zvogëluar inflamacionin në trup, që është një shkak i sulmit në zemër dhe goditjes në tru. Njëkohësisht inflamacioni çon në shtimin në peshë.
Dieta Zone ndihmon në humbjen e yndyrës dhe në ruajtjen e ndjeshmërisë ndaj insulinës.
Kjo dietë rekomandon të konsumoni pesë vakte në ditë, 3 vakte kryesore me 2 të ndërmjetme dhe me një diferencë jo më shumë se 5 orë midis vakteve.
Sasia konsiderohet mjaft e rëndësishme në këtë dietë dhe ushqimet që rekomandohen për t’u konsumuar janë peshku, mishi i pulës, të bardhat e vezëve, djathi me pak yndyrë, qumështi me pak yndyrë, kos, avokado, arrat, gjalpi i kikirikut dhe vajrat, si vaji i susamit ose vaji i ullirit.
Njëkohësisht edhe fruta të tilla si manaferrat, mollët, portokallet, kumbullat.
Ushqime që kanë një sasi të lartë sheqeri, ushqimet e përpunuara, pijet e gazuara duhet të shmangen. Rekomandohet një sasi e limituar e çajit dhe kafesë.