Një zjarr i fuqishëm ka përfshirë pyjet me Pisha në jug të Krujës. Sipas informacioneve të siguruara deri më tani janë djegur rreth 5 hektarë tokë.
Për shkak të terrenit të thyer është e pamundur futja e automjetit të zjarrëfikëses, por gjithsesi është bërë ndërhyrja e parë. Disa efektivë të zjarrëfikëses të Durrësit dhe disa punonjës të Bashkisë po përpiqen ta vënë zjarrin nën kontroll.
Sipas shërbimeve të zjarrëfikëses dyshohet se zjarri është vënë qëllimisht.
Fatmirësisht nuk rrezikohen banesa dhe intensiteti i zjarrit ka rënë pasi era ka pushuar.