Gjashtë automjete janë djegur në fshatin Leshnicë të Pogradecit. Ngjarja ka ndodhur në orët e para të mëngjesit të sotëm, ndërsa paraprakisht dyshohet për zjarrvënie të qëllimshme. Servisi është në pronësi të Geri Pengu. Dëmi nga zjarrvënia përllogaritet deri në 60 mijë euro.
Burime bëjnë të ditur se nga kamerat janë parë persona të afrohen, dhe të kenë hedhur benzinë mbi mjetet duke u venë zjarrin. Policia dyshon se zjarri mund të jetë vënë nga dy persona.
Sakaq, pronari nuk është emër i panjohur për uniformat blu. Ai rezulton të jetë i përfshirë në fushën e trafikimit të narkotikëve.