Mëngjesin e sotëm, një makinë ka marrë flakë brenda tunelit Tiranë-Elbasan çka ka bërë që të bllokohet qarkullimi i automjeteve.
Djegia e automjetit dyshohet se ka ndodhur për shkak të një defekti teknik. Fatmirësisht nuk raportohet për të lënduar, ndërsa në momentin e shpërthimit të flakëve, mjeti në fjalë po udhëtonte nga Tirana në Elbasan.
Kjo gjë solli bllokimin e qarkullimit për disa minuta dhe më pas u rihap me ndërhyrjen e forcave të policisë dhe zjarrfikësve.