Irini Shehu, është kandidatja për deputete e PD në rrethin Dibër, e zgjedhur nga Lulzim Basha. Është e njëjta Irini Shehu që dikur shante dhe kryqëzonte Lulzim Bashën. Jo më larg, por rreth tre vite më parë, më 10 Tetor të vitit 2018, ajo e akuzonte Lulzim Bashën për pazare në lidhje me zgjedhjen e strukturave të PD, në Dibër.
“Nuk e di se nga ç’rracë të sollën dhe ku buron gjenetika jote, që për hir të së vërtetës është një dyshim kombëtar, por, dije se je përdhunuesi më mizor i statutit të Partisë Demokratike”, akuzonte Shehu-Bashën.
Ndër të tjera ajo e akuzonte Bashën se kishte bërë shoë me shkatërrimin e grupseksionitë në Peshkopi.
“Ta harrosh ti Naimët dhe Luanët e tu, Albanat dhe të deleguarit e tu se do të mund të shkelësh mbi mundin dhe kontributin e demokratëve të ndershëm që kanë dhënë shpirtin për partinë Demokratike”, shkruante Shehu në vitin 2018.
Risjellim në vëmendje deklaratat e vitit 2018, Irini Shehut, kur shpërthente ndaj Lulzim Bashës:
“Shoku Lulzim Basha më gënjeve dy herë dhe unë të besova. Turpi yt. Më gënjeve dy herë dhe unë sërish të besova, turpi është imi.
Nëse guxove dhe solle të deleguarit e tu për të legalizuar të komanduarit e tu si kryetar dhe sekretar të PD-së së Dibrës, ditë e diel ora 14:00, të cilët paradite erdhën, në drekë, shpërndanë udhëzimet dhe në darkë zgjodhën kryetar grupseksionesh” në Peshkopi, të emëruarit e kapobandës së hajdutëve që rropën e vodhën një Dibër të tërë, ke bërë shumë gabim.
Nuk e di se nga ç’rracë të sollën dhe ku buron gjenetika jote, që për hir të së vërtetës është një dyshim kombëtar, por dije se je përdhunuesi më mizor i statutit të Partisë Demokratike.
Grupseksioni Peshkopi ishte një, more Lulzim kur zotrote erdhe e bërë shoë një muaj në Dibër, në cilin rresht të statutit e ke të shkruar që një grup seksion me as 50 anëtarë partie aktiv na ndaheshka në dy grupseksione, sepse kështu ju teket oligarkëve që demokratët dibranë i shporren me votë.
Ta harrosh ti Naimët dhe Luanët e tu, Albanat dhe të deleguarit e tu se do të mund të shkelësh mbi mundin dhe kontributin e demokratëve të ndershëm që kanë dhënë shpirtin për partinë Demokratike.
Nëse mendoni se shpëtuat nga unë dhe nga ata qindra si unë, gabohesh shumë rëndë dhe këtë përgjigje do ta japë historia sepse do të jesh humbësi më i madh i të gjitha kohërave. Je thjeshtë një gënjeshtër Lulzim. Turp. shumë Turp.”, shkruante në postimin e saj Irini Shehu.
Më tej ajo vijonte me akuzat ndaj kryetarit të PD, Basha duke i kërkuar edhe të dorëhiqet.
“Dorëhiqen halet dhe ngrihen malet”, shkruante ndër të tjera kandidatja Irini Shehu.
