Dimri do të jetë i vështirë paralajmëroi kryeministri Edi Rama gjatë ceremonisë së dhurimit të 60 respiratorëve për dy spitalet COVID në vend.
“Falenderoj në mungesë ambasadoren Kim, që më dha e para lajmin për këtë mbështetje kaq të çmuar dhe kaq të nevojshme në këtë fazë përballje me një armik kaq të pamëshirshëm. Mbase ky është momenti i duhur për të bërë edhe një retrospektivë të disa momenteve, kur kemi prekur nga afër mbështetjen e miqve tanë. Dimri do të jetë i vështirë sipas parashikimeve të ekspertëve të botës dhe Shqipërisë” tha ai.
Ndërkohë kryeministri pati dhe një apel për baret dhe restorantet duke u kërkuar zbatimin e protokolleve anti- COVID.
“I lutem të gjithë atyre që ushtrojnë aktivitetin e tyre në bare dhe restorante, të mos sfidojnë rrezikun dhe shtetin, të mos vënë në rrezik jetën e tyre dhe të familjeve, por edhe të njerëzve që iu shërbejnë. Nuk është e vështirë për ne të sulim policinë e Shtetit në bare për të vendosur rregull, por a është kjo ajo që duan ata që duan të shfrytëzojnë çdo metër të lokalit, dhe harrojnë që kështu kontribuojnë për mbylljen e lokalit dhe rrezikojnë një goditje të madhe financiare. Patjetër, çdo lekë më shumë është i rëndësishëm për biznesin, aq më shumë në këtë situatë, por përqeshja është katastrofike. Për më tepër është e pabesueshme, që në kohën kur kjo epidemi nuk është në Shqipëri vetëm, se nuk do na kishte besuar njeri. “-tha Rama.