Nga Igli Çelmeta*
Kamera ka qenë e vendosur në çantën e vajzës dhe ora në kamera nuk është e saktë, video nuk është regjistruar në orën 16:00. Data është e saktë dhe video është regjistruar më datë 6 qershor. Vajza është me çantë në krah dhe ka pasur edhe dy telefona dhe një diktofon dhe është futur në ambientet e bashkisë së Kukësit rreth orës 09:20 të mëngjesit të 6 qershorit dhe kamera në çantë është ndezur në momentin që ajo është futur brenda në bashki, pra e ka ndezur kur ka dalë nga makina e saj dhe është drejtuar drejt bashkisë. Ka pasur me vete edhe dy telefonat, një ndër të cilët ka qenë i lidhur me kamerën dhe kontrollon nëse kamera është ndezur dhe po filmon. E gjithë video nga momenti që vajza futet brenda në bashki dhe deri kur ikën rreth orës 09:45 minuta, është mbi 20 minuta. SPAK ka rreth 20 minuta material video si provë dhe jo 12 minuta, që mund të çojnë pas hekurave ish-kreun e bashkisë së Kukësit. Vajza pasi është larguar rreth orës 09:45 ka shkuar në Tiranë dhe Durrës, ku ka pasur takime me disa persona të cilat SPAK po i heton si të dyshuar si bashkëpuntorë me vajzën.
Nga hetuesit është arritur të gjendet edhe serveri ku ruheshin pamjet.
Kamera është e njëjta e përdorur në dy raste të tjera që mund të bëhen edhe publike së shpejti, nëse kanë rënë në dorë të mediave.
*Gazetar kronike News 24