Shqipëria sot është në ditë zie dhe flamuri i kombit është në gjysmë shtizë në nderim të “Dëshmorit të Atdheut”, majorit Klodian Tanushi.
Homazhet në nder të “Dëshmorit të Atdheut”, do të zhvillohen në mjediset e Muzeut Historik Kombëtar në Tiranë, nga ora 10:00-12:00.
Më pas, po në mjediset e Muzeut, do të mbahet ceremonia shtetërore në nder major Klodian Tanushit, përpara se arkivoli i mbuluar me flamurin kombëtar të vendoset në shtrat topi dhe të përcillet në Varrezat e Dëshmorëve.
Lexo edhe- Mbërrin në atdhe trupi i pajetë i major Tanushit, në ceremoninë pritëse edhe djali i vogël
Komandanti i kontingjentit shqiptar në Letoni, major Klodian Tanushi, i rënë në krye të detyrës në misionin e NATO në vendin baltik, u prit një ditë më parë me nderimet më të larta ushtarake nga kolegët e tij.