Inteligjenca amerikane, përveç se është një ndër më të fuqishmet në botë, është edhe tepër aktive në rrjetet sociale.
Shpesh me thirrje për rekrutimin e personave me aftësitë e duhura, CIA poston edhe kuize të ndryshme në rrjetet sociale.
Së fundmi CIA ka postuar këtë foto ku i fton qytetarët të gjejnë të dhëna si koha, vendi e të tjera. Kësaj loje nuk i ka rezistuar dot as ish-ministri demokrat Enkelejd Alibeaj. Në Twitter ai i përgjigjet postimit të CIA duke dhënë versionin e tij të përgjigjeve.
“A jeni të aftë të përcaktoni kohën e ditës në foton më poshtë? Vendosini aftësitë analitike në provë. Nëse ia dilni mirë, konsideroni të aplikoni te CIA”, shkruan inteligjenca amerikane.
