Presidenti Ilir Meta u është përgjigjur akuzave që qarkullojnë se ai është politikani i radhës i shpallur “non grata”.
Ai ka deklaruar se do të ishte mirë që SHBA ta shpallte “non grata” gjatë kohës që ai është Presidnet, nëse DASH ka në plan që të marrë një vendim të tillë edhe për të pas ish-kryeministrit Sali Berisha.
Meta u shpreh në “Opinion” se do të ishte i gatshëm ta paguante vetë biletën për t’u përballur me drejtësinë amerikane, ndërsa u shpreh i gatshëm t’ia bllokojnë asetet dhe llogaritë nëse provohet se është i fajshëm.
Pjesë nga intervista në Opinion
Si janë raportet tuaja me SHBA, disa zyrtarë amerikanë nuk kanë përfshirë takim në xhendën e tyre?
Unë argëtohem, unë e di shumë mirë se kush është rangu e di shumë mirë sa ndihmës sekretar, sa zëvendës ndihmë sekretar ka… Këto janë banalizime të politikës shqiptare, është një qëndër këtu shpërndan lajme, erdhi ky nuk takon Metën. Pse presidenti është i papunë?
Ka një shqetësim të SHBA me ju e me rolin tuaj?
Nuk kanë si të kenë. E di pse? Nëse një politikan që nuk i ka gënjyer SHBA është Ilir Meta. Nëse ka një politikan në Shqipëri që iu ka thënë se kjo është po e kjo është jo dhe jo i është dhënë në sy dhe është argumentuar, Meta ka patur gjithmonë të drejtë se mendohet shumë kur flet me partnerët…
Pas largimit nga Presidenca mund të shpalleni non grata?
Non grata? Mua me vjen për të qeshur me këtë çeshtje. Do të isha i zhgënjyer nëse nuk do të ndodhte sa kohë jam President. Ilir Meta nuk ka asnjë problem me ligjet në SHBA. Nuk ka paguar asnjëherë as në të bardhë, as në të zezë për të bërë foto me Presidentë të SHBA. Ilir Meta ka zero probleme me SHBA.