Kryebashkiaku i Lezhës, Pjerin Ndreu ka reaguar për herë të parë pas lajmit se në bashkinë e drejtuar prej tij do të strehohen emigrantë ilegalë nga Afrika.
Në një reagim në Facebook, Ndreu ironizon opozitën duke i quajtur si “racë e bardhë ariane” që janë shqetësuar për “zezakët nga Afrika”.
Lexo edhe :
Ai më tej thotë se Lezha do i mirëpresë afrikanët ilegalë, dhe sugjeron se shumë qytetarë “do bëjnë lekë” nëse punojnë për trajtimin e tyre.
Postimi i plotë i Ndreut:
Po lexoj që raca e bardhë ariane e shtatë PD-ve pa vulë, po ama akoma me nam e me nishan, ka hallin e zezakëve nga Afrika që do pushtojnë kalanë e Lezhës dhe pastaj do marrin pushtetin në Shqipëri!
Dua t’iu them që e para mos i qajë kush hallin Lezhës sepse priti 4000 afganë dhe nuk u prek një fije bari, perkundrazi kush punoi për trajtimin e mirë të tyre bëri lekë nga puna. E dyta mos u merrni me ngjyrën e lëkures së të tjerëve po shikoni më mire ziftin e zullumeve që ju kanë bërë të pavotushëm.
E fundit, në një pikë keni të drejtë: Edhe ata që do vijnë në Lezhë nga Afrika përmes Italisë kanë më shumë shanse ta marrin pushtetin në Shqipëri se sa ju! Këtu as unë s’kam argument kundër, kështu që kujdes mos grisni edhe pantallonat kur kacavirreni nëpër penxheret e Kuvendit siç griset në shtatë copa flamurin e PD-së!
Me dashuri nga Lezha mikpritese
Lexo edhe: Qeveria reagon zyrtarisht për emigrantët: Jo më shumë se 3000 persona të strehuar