Moderatorja e njohur e ‘Top Channel’, Dojna Mema dhe këngëtari Vlashent Sata janë një ndër çiftet më të komentuar të momentit të showbizz-it shqiptar.
Ata janë tepër aktiv në rrjetet sociale dhe vazhdimisht ndajnë detaje nga jeta e tyre private.
Dojna na ka treguar përmes postimeve në Instagram se është një harraqe kur vjen puna tek çelësat, çanta, kuleta apo telefoni që ndonjëherë s’di ku i hedh nga nxitimi. Ditën e djeshme e radhës ka qenë çanta e harruar në ashensor që për fat Dojna e ka marrë sërish falë komshinjve të saj.
“Sapo humba çantën në ashensor, por komshinjtë janë njerëz me zemër të madhe dhe ma sollën në shtëpi”, ka shkruar moderatorja krah videos ku është pranë Vlashentit i cili i thekson se moderatorja harron çdo gjë, madje dhe makinën.
Madje me shaka shprehet se e ka menduar ta lërë hera herës kur ajo humb gjithçka, por çfarë e bën të ndryshojë mendje është fakti se Dojna i gjen sërish gjërat.
