Kandidatja më e votuar në listën e zonjave për anëtar kryesie në Partinë Demokratike ishte Fatbardha Kadiu. Ky emër ngjalli reagimin e Kreshnik Spahiut, i cili shprehet i habitur, pasi, për të është krejt i panjohur në politikë.
Sipas Spahiut, emri është shkruar gabim, ose “kjo opozitë ka shkuar për skrap”.
“Sipas lajmeve zyrtare: Njeriu më i votuar ne Partinë Demokratike doli FATBARDHA KADIU. Kur e lexova shkarazi mu duk si Fatbardh Kadilli por isha gabuar. Pyeta dhjetëra miq por nuk e njeh askush se cila është kjo grua. Unë kam 30 vjet studioj politik dhe nuk e njoh këtë politikanen e shquar dhe shumë popullore që është votuar masivisht nga foltorja, prandaj mendoj që: – Ose emri është shkruar gabim – Ose kjo opozitë ka shkuar për skrap”, shkruan ai.