Presidenti i Shteteve të Bashkuara të Amerikës, Donald Trump do të dhurojë pagën e tij të 3 muajve për Departamentin e Shëndetësisë dhe Shërbimeve Njerëzore për të zhvilluar terapi të reja për trajtimin dhe parandalimin e Covid-19.
Sekratarja e shtypit në Shtëpinë e Bardhë, Kayleigh McEnany, e dha njoftimin ditën e premte.
Me një çek në dorë, McEnany tha: “Ja çeku prej 100.000 dollarësh. Ky do të shkojë direkt nga presidenti Trump, i cili pagën e tij nuk e tërheq, por e kalon për iniciativa bamirësie, te kërkimi për Covid-19”.