Mbahet sot seanca për deputetin e PD-së Ervin Salianji, i cili është dënuar me një vit burg nga Gjykata e Shkallës së Parë.
Seanca pritet të nisë në orën 10:30, ku pritet nëse do të merret një vendim në lidhje me fatin e deputetit Salianji.
Edhe ditën e sotme seanca do të zhvillohet në lidhje me hetimet, akuzat ndaj Salianjit në lidhje me dosjen e njohur si ‘Babale’. Ai akuzohet për kallëzim të rremë. Prej kohësh është shtyrë seanca, herë nga gjykata dhe herë nga avokatët e Ervin Salianjit. Nëse seanca zhvillohet sot dhe Apeli lë në fuqi dënimin, Salianji dënohet me burg.