Është shtyrë për më 31 janar seancën paraprake ndaj Sali Berishës dhe të pandehurve të tjerë të dosjes “Partizani”. Ish-kryeministri është marrë zyrtarisht i pandehur nga SPAK.
Më 11 shtator të vitit të kaluar prokurorët që po hetojnë dosjen “Partizani” i komunikuan atij akuzën për veprën penale “korrupsion pasiv i funksionarëve të lartë shtetërorë dhe të zgjedhurve vendorë”.
Paraditen e kësaj të hëne kryetari i Partisë Demokratike u paraqit në SPAK për të firmosur, pas vendimit të Apelit të GJKKO-së që vendosi ‘detyrim paraqitje’ për të.
Qindra qytetarë ju përgjigjën thirrjes së tij dhe protestuan pranë ambienteve të Prokurorisë së Posaçme në mbështetje të Berishës. Me dhjetëra efektivë policie u mblodhën para Prokurorisë së Posaçme për të siguruar mbarëvajtjen e protestës së organizuar nga PD.