Drejtoresha e ISHP-së, Albana Fico ka thënë se në Shqipëri rreth 130 persona për 100 mijë banorë janë pozitivë me Covid-19.
Në një intervistë për TCH, Fico sqaron dhe situatat lidhur me ankesat që kanë qytetarët për përgjigjet e tamponëve.
Ajo thotë se ka prioritete pasi testohen më parë tamponë qe vijnë nga spitalet dhe persona me simptoma.
“Bëhen ato qe vijnë nga mjeku i familjes nga 127, ato me simptoma sepse tamponi i një asimptomatiku nuk ka rendësi se nuk rriskon jetë. Nuk ka preferenca. Në total në Shqipëri kryhen rreth 3000 tamponë në ditë në sistemin publik dhe privat.”-tha Fico.
Sipas Ficos kjo shifër ka ardhur duke u rritur, por gjithmonë sipas një logjikë gjurmimi dhe hetimi.