Bosi i drogës në Itali, Girolamo Perna vdiq në spital mbrëmjen e djeshme, pas disa plagëve të shumta të marrë në një pritë mafioze që iu bë ditën e djeshme në Vieste të Italisë.
Bosi i drogës u vra afër shtëpisë së tij, ku ishte së bashku me një person tjetër, i cili u mor në pyetje nga policia. Klani Perna, i drejtuar nga i ndjeri, ishte rival me klanin e quajtur “Splinters”, i cili kryesohet nga Marco Raduano. Të dy klanet ishin në luftë për kontrollin e shitjes së drogës në zonën Gargano dhe trafikun e drogës që vjen nga Shqipëria.
Perna i kishte shpëtuar më parë dy atentateve, një në vitin 2016, ku mbeti i plagosur, ndërsa një tjetër atentat iu bë në vitin 2017, po afër shtëpisë.
Në tre vitet e fundit, në Vieste janë eliminuar, përveç shefit historik, Angelo Notarangelo, që vdiq në janar 2015 edhe 9 persona të tjerë.
Sipas mediave italiane, trafiku i drogës nga Shqipëria është motivi i përplasjes mes dy grupeve mafioze. Biznesi i drogës ballkanike, e ka gjetur rrugën e saj drejt Italisë në sajë të brigjeve të shkëmbore, të vështira për të patrulluar nga policia. Për këtë arsye ky është vendi i përsosur për lumenjtë e marijuanës.