Një grup i mirëorganizuar kriminal, që kishte aktivitet me shitje të apartamenteve, makinave, si edhe në shpërndarjen e drogës dhe prostituimit të vajzave në zonën e Perugias në Itali, u shkatërrua sot nga forcat e policisë italiane.
Shtatëmbëdhjetë persona, meshkuj dhe femra të nacionalitetit shqiptar, rumunë dhe italianë, u arrestuan nga karabinierët e komisariatit të Peruxhias pas një hetimi disa mujor.
Zyra e prokurororisë së Perugias, bëjnë me dije për mediat vendase se policia ka arrestuar organizatorët e aktivitetit të prostitucionit, ata që kishin për detyrë rekrutimin, monitorimin, mbështetjen logjistike, pra gjetjen dhe vënien në dispozicion të bashkëpunëtorëve me dokumente të falsifikuara.
Sipas policisë së Peruxhias, grupi i trafikantëve i mbyllte vajzat që i prostituonte në apartamente, i kërcënonin, i rrihnin dhe i drogonin.