Këtë të dielë u shpërndanë çmimet Grammy, ku natyrisht shqiptarët patën me çfarë të krenohen.
Këngëtarja kosovare Dua Lipa është tashmë shqiptarja e parë që ka marrë dy çmime Grammy duke u shpallur fituese në kategorinë “Kënga më e mirë e zhanrit Dance”, me këngën e saj “Electricity”, bashkëpunim me Mark Ronson dhe Diplp. Gjithashtu ajo mori dhe çmimin si artistja e re më e mirë.
“Jam artiste me dy çmime Grammy!!! Jam shumë e përulur dhe mirënjohëse në këtë moment. I dërgoj shumë dashuri fansave të mi, familjes sime, ekipit tim, të gjithë artistëve të mahnitshëm me të cilët kam punuar dhe bashkëpunuar. Një ëndërr e vërtetë është realizuar! Faleminderit!!”, ka shkruar Lipa në Instagram pak pasi mori çmimin.