Dua Lipa po korr një sukses të madh në botë. Së fundmi, këngëtarja shqiptare ka bërë me dije se është renditur në vendin e dytë si artistja më e dëgjuar në botë në Spotify dhe në vendin e parë përsa i përket kategorisë femër. Lajmin e ka bërë me dije vetë këngëtarja përmes një postimi në rrjete sociale, ku shprehet e lumtur për këtë arritje.
Kujtojmë që Dua u vlerësua pak ditë më parë si artistja më e dëgjuar në Mbretërinë e Bashkuar, duke lënë në vend të dytë Ed Sheeran që ka kryesuar listën për disa vite. “Jam tepër krenare që isha artistja më e dëgjuar në radio, TV dhe në të gjithë Mbretërinë e Bashkuar. Doja kaq shumë që “Future Nostalgia” të sillte lumturi gjatë një kohe kaq të vështirë.“, u shpreh Dua.