Dua Lipa edhe pse e lindur dhe e rritur në Londër, nuk e ka mohuar asnjëherë origjinën e saj, biles është krenare dhe nuk ngurron ta tregojë kudo.
Së fundmi këngëtarja e njohur ndërkombëtarisht, ka publikuar në profilin e saj në ‘Instagram’ përpara 32 milionë ndjekësve një video të hartës së vjetër të Ilirisë. Në videon e postuar ajo ka zbuluar se ku nis dhe ku mbaron harta, për të treguar se shqiptarët janë autoktonë në vendin e tyre dhe se në lashtësi kanë pasur një shtrirje të gjerë gjeografike.
Dua vjen shpesh në Kosovë, në vendin e saj të origjinës dhe pritet që në muajin gusht të rikthehet sërish. Pasi ajo së bashku me babain e saj, Dukagjin Lipën, organizon “Sunny Hill Festival” në Prishtinë dhe këtë vit do të sjellë emra të mëdhenj të muzikës si Miley Cyrus, Calvin Harris, Gashi etj.