Lajmi për largimin e Migjen Bashës nga skuadra jonë e Kombëtares është përhapur me shpejtësi ngado. Sonte në mbrëmje ka reaguar edhe presidenti i Federatës Shqiptare të Futbollit, Armando Duka. Ai thotë se Basha edhe në deklaratën e largimit është shprehur mjaft mirë. Numri një i futbollit e falenderon atë për kontributin e dhënë ndër vite dhe shprehet se të gjithë i detyrohen shumë Migjen Bashës.
Postimi i Dukës
I dashur Migjen,
Ti sot ke njoftuar tërheqjen nga ekipi Kombëtar. Për të gjithë vjen nje ditë e largimit , por ti edhe këtë si gjithçka tjetër, e bëre në mënyrën më të mirë. E vleresoj shumë vendimin tënd për të mbyllur ciklin tënd me fanellën kuqezi, për t’ju dedikuar më shumë familjes dhe për ti dhënë hapësirë më të rinjve. Unë të falenderoj pamasë për kontributin e madh që ke dhënë për skuadrën tonë ne këto 6 vite, duke qënë gjithmonë i rëndësishëm dhe nje lojtar inteligjent për grupin brenda dhe jashte fushes se lojes.Në memorien time do të mbaj mend si nje djale i shkelqyer, me pjekuri e maturi te pa zakonte dhe futbollist me kualitet. Ti dhe nje kontribut te rendesishem ne grupin e Euro 2016, ku Shqipëria shkruajti historinë e saj më të madhe dhe emri yt Migjen do të mbetet përjetësisht si pjesë e saj me gërma të arta.
Faleminderit për emocionet e mëdha që na ke dhuruar. Federata të detyrohet shumë ty dhe gjithe brezit tuaj per atë që keni bërë për Shqipërinë e cila do mbetet kurdohere shtepija e juaj!