Autoritetet në portin e Durrësit kanë sekuetruar një sasi prej 22 mijë eurosh teksa kanë vënë në pranga dy persona. Bëhet fjalë për shoferin e një kamioni dhe dublantin e tij, të cilëve u gjetën edhe një leje drejtimi dhe kartë identiteti greke që dyshohet se ishin të falsifikuar.
NJOFTIMI
Specialistët për Hetimin e Krimit Ekonomik dhe Financiar në DVP Durrës, në bashkëpunim me Strukturat e DVKM Durrës, arrestuan në flagrancë shtetasit:
Sh. B., 58 vjeç dhe B. D., 54 vjeç, banues në Tiranë.
Këtyre shtetasve, më datë 23.04.2020, në PKK Durrës, gjatë kontrollit nga shërbimet e Policisë Kufitare të Portit Durrës, në kamionin të cilin e drejtonin të dy (si shofer dhe dublant), iu gjetën dhe sekuestruan në cilësinë e provës materiale, shtetasit Sh. B., një leje drejtimi dhe kartë identiteti greke, të dyshuara si të falsifikuara, si dhe 12.090 euro, ndërsa shtetasit B. D., iu gjetën 10.000 euro të padeklaruara gjatë kontrollit doganor.
Materialet i kaluan Prokurorisë së Rrethit Gjyqësor Durrës, për veprat penale “Falsifikimi i letërnjoftimeve i pasaportave ose i vizave”, “Falsifikimi i vulave, i stampave ose i formularëve” dhe “Mosdeklarimi në kufi i të hollave dhe sendeve me vlerë”.