Korça është një nga destinacionet e preferuara të shqiptarëve për të kaluar festat e fundivitit. Por Durrësi këtë fundvit pritet të konkurrojë Korçën. Në Durrës këtë fundvit pritet të ketë fluks turistësh të huaj.
Administratorët e resorteve dhe hoteleve shprehen të kënaqur, ndërsa rezervimet kanë shkuar në masën 80 për qind të kapaciteteve të tyre.
Edhe porti i Durrësit pritet të ketë një fluks të konsiderueshëm, ose një sezon të vogël veror. Sipas autoriteteve portuale, biletat në ardhje në Durrës në datat para festave dhe ditët e para të janarit janë të gjitha të prenotuara.
Sipas parashikimeve, pritet që këtë fundvit në portin e Durrësit të vijnë minimalisht mbi 20 mijë persona me tragetet e linjave me Italinë.