Dy aksidente kanë ndodhur brenda 10 minutash në rrugën Tiranë-Durrës, në afërsi të Vorës.
Aksidenti i parë ka ndodhur rreth orës 12.31 ku si pasojë e përplasjes së dy mjeteve është plagosur një prej drejtuesve.
Vetëm 10 minuta më pas në një tjetër aksident janë dëmtuar një familje, mes të cilëve dhe një foshnje dy muajshe. Fatmirësisht të gjithë janë jashtë rrezikut për jetën.
NJOFTIMI I PLOTE
Tiranë/Informacione paraprake
Më datë 01.07.2020, rreth orës 12:31, në Vore, janë përfshirë në përplasje mjeti me drejtues shtetasin Q.K., me mjetin me drejtues shtetasin R.Q., ku si pasojë e përplasjes është dëmtuar shtetasi Q.K, i cili u dërgua në spital, dhe ndodhet nën kujdesin e mjekëve.
Më datë 01.07.2020, rreth orës 12:40, në Vore, mjeti me drejtues shtetasin E.M., ka aksidentuar mjetin me drejtues shtetasin E.M., 33 vjeç. Si pasojë e përplasjes kanë mbetur të demtuar drejtuesi i mjetit E.M., si edhe pasagjeret në mjet shtetasja M.M dhe femija i tyre 2-muajsh, të cilët ndodhen në spital, jashtë rrezikut për jetën.
Grupi hetimor dhe sherbimet e Policisë ndodhen në vendngjarje dhe vijon puna për zbardhjen e rrethanave të ngjarjes.