Policia e Ferit kishte informacion për ndotje të lumit Gjanica, kjo nga shkarkimi i mbetjeve të hidrokarbureve. Dy kompani private derdhin mbetje të hidrokarbureve në lumin Gjanica, policia ka nisur hetimet për 3 persona, mes tyre dy drejtorë.
Ka nisur procedimi në gjendje të lirë për shtetasit: K.A, 34-vjeç, me detyrë drejtor i Qendrës së Prodhimit të Naftës, Fier, dhe S. A., 35 vjeç, me detyrë përgjegjës i Sektorit të Dekantimit, Patos, në një kompaninë private Sh. A.. Edhe për E.B, 61-vjeç, me detyrë drejtor i operacioneve të hidrokarbureve, në një kompani tjetër private, gjithashtu Sh. A.
”Nga hetimet rezulton se 2 kompanitë private ku janë punonjës përgjëgjës këta 3 shtetas, nëpërmjet aktivitetit të tyre në fushën e hidrokarbureve, kanë ndotur ujërat e lumit Gjanica, pasi kanë shkarkuar aty, mbetjet e këtyre lëndëve. Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme procedurale, për veprën penale ” Ndotja e ajrit, e ujërave dhe e tokës”’,-informon Policia.