Lajmet online lexohen edhe në kompjuter dhe tablet, por më i preferuari është smartphone, pasi e keni gjithmonë me vete. Këtë e thotë një studim i Reuters, Digital News Report 2019, e cila ka marrë në shqyrtim 38 vende në të gjashtë kontinentet.
Nga studimi rezulton se në mediat në të gjithë botën 2 në 3 persona i lexojnë lajmet në smartphone.
Në shumë vende smartphone është mjeti i parë që marrin lajmet e mëngjesit, më shumë se televizioni, radio apo gazetat. Në botë, tema e fake news që qarkullon në Facebook ka penalizuar përdorimin e rrjetit social si burim lajmi.
Përqindja e atyre që përdor në mënyrë të përjavshme Facebook për të lexuar lajmet ka rënë në 36%, nga 40% që ka qenë në 2015. Ndërkohë që rritet përdorimi i WhatsAPp me 16% dhe i qëndrueshëm mbetet Twitter me 10%.