Punimet e dy piktorëve shqiptarë janë përzgjedhur nga zyra e Bankës Botërore në Tiranë, për t’bërë pjesë e publikimeve të ardhme. Artistët e përzgjedhur janë Markel Capon dhe Pano Kondon.
Pikturat e përzgjedhura janë të titulluara “1001 dritaret” dhe “Etapat e zhvillimit”. Dy shqiptarët fituan mes 220 konkurentëve.
Në publikimin e në Facebook të Bankës Botërore në Tiranë thuhet:Urime 👏👏për Markel Capon dhe Pano Kondon, veprat e artit të të cilëve janë përzgjedhur për t’u përdorur në publikimet e ardhshme të Bankës Botërore. Përkatësisht, pikturat e titulluara “1001 dritaret” dhe “Etapat e zhvillimit” ishin pjesë e ekspozitës së veprave të përzgjedhura në Konkursin për Artin bashkëkohor shqiptar, organizuar nga Zyra e Bankës Botërore në Tiranë në bashkëpunim me Universitetin e Arteve. 👨🎨👩🎨25 punime nga 220 të paraqitura në konkurs u ekspozuan në Galerinë Zeta në Tiranë në shkurt 2019. “