Dy të rinj shqiptarë janë arrestuar nga autoritetet britanike, pasi u kapën në një fermë kanabisi me vlerën e 4.5 milionë paundësh në Carlisle.
Në pranga kanë rënë Florian Daci dhe Edmond Pula, të cilët kujdeseshin për bimët e kanabisit dhe jetonin brenda ndërtesës së Rrugës Lancaster.
Mediat britanike bëjnë me dije se kjo mund të jetë ferma e kanabisit më e madhja e gjetur ndonjëherë në Cumbria.
Pula dhe Daci, pa adresa fikse, pranuan prodhimin e kanabisit.Të dy personat kishin hyrë në vend ilegalisht me kamion me premtimin e punësimit në industrinë e ndërtimit dhe me shpresën për një jetë më të mirë, thanë avokatët e tyre.