Dy të rinjtë, kalimtarë të rastit që u plagosën sot në Elbasan, tregojnë se ishin duke shkuar në shtëpi në ato momente. “As vetë nuk e dimë nga na erdhi. Po ktheheshim në shtëpi për të ngrënë bukë. Ishim duke ecur kur pamë që po na dilte gjak nga këmbët. Në atë moment u futën në një banesë, pasi nuk po dinim çfarë po bëhej”.
Për fat të mirë dy të rinjtë, që kanë plagë në këmbë janë jashtë rrezikut për jetën. Njëri prej dy të rinjve është student. E ndërsa fatmirësisht të rinjtë shpëtuan, vijon operacionin për arrestimin e autorit, i cili i armatosur nuk pranon që të dorëzohet.