E verdha e vezës dihet që është më e pasur me vlera ushqyese, minerale e vitamina, por e bardha e vezës është ndër përbërësit kryesorë të maskave të bukurisë.
Mënyra më e mirë për të qetësuar dhe freskuar lëkurën tuaj gjatë këtyre pushimeve verore është nepërmjet maskës me të bardhën e e vezës, bërë vetë në kushte shtëpie.
Nëse ke lëkurë më shumë të yndyrshme, pas plazhit, fytyra mund të ketë një shkëlqim jo të këndshëm, por në të njëjtën kohë edhe poret do të jenë të bllokuara. Për të pasur lëkurë rrezatuese dhe pa pore mund të përdorësh këtë maskë shumë të thjeshtë vetëm me dy përbërës të kuzhinës.
Përbërësit:
- E bardhë veze
- Disa pika lëng limoni i freskët
Përdorimi:
1. Pasi e ke ndarë të bardhën e vezës nga e kuqja, hidhe me kujdes në një tas të pastër dhe shto disa pika limoni.
2. Pastroje fytyrën butë me një pambuk të lagur me ujë të ngrohtë në mënyrë që të hapen poret.
3. Aplikoje përzierjen me të bardhë veze dhe limon duke bërë lëvizje rrethore me mollëzat e gishtave, në mënyrë që maska të depërtojë më shumë në pore.
4. Lëre maskën të veprojë për 20 deri në 30 minuta, derisa të krijojë një shtresë të hollë.
5. Pasi të jetë tharë plotësisht, shpëlaje me ujë të ngrohtë dhe pas disa minutave përdor kremin hidratues.
E bardha e vezës ndihmon për të mbajtur nën kontroll yndyrën e lëkurës, ndërsa limoni, përveç që heq erën e vezës, ndihmon edhe për t’i dhënë më shumë shkëlqim fytyrës.