Ish -kryeministri Sali Berisha, ka postuar një denoncim, ku shkruan se një kambist është dhunuar brutalisht në mes të Tiranës.
Ngjarja ka ndodhur paraditen e sotme rreth orës 10:30 minuta të mëngjesi në rrugën Mine Peza, dhe autorët janë dy persona të paidentifikuar.
Denoncimi i plotë i ish-kryeministrit Sali Berisha:
Maskat përgjakin kambistin në mes të Tiranes!
Lexoni denoncimin e qytetarit dixhital dhe shikoni fotot e tij. sb
Pershendetje Doktor, grabitet kambisti ne mes te dites , ne zemer te kryeqytetit, ne rrugen e mbushur plot me biznese dhe ne sy te qindra qytetarve qe po kalonin ne ate moment dhe pane ngjarjen.
Ngjarja ndodhi sot ne oren 10:30 dhe vetem 100 metra larg komisariatit nr 3, ne rrugen Mine Peza. Policia vjen 15 minuta me vones dhe ambulanca edhe pse ishte njoftuar nuk erdhi fare! Mjer ne ku jemi katandisur.
Ishin 2 veta me motorr me maska qe e kan goditur. I demturi eshte pronari exchange te kryqezimi i rruges mine peza.
Pas këtij denoncimi, janë mësuar të tjera detaje nga ngjarja.
Mësohet se kambisti është shtetasi Bujar Shkurtaj, i cili është në spitalin e Traumës ku i është nënshtruar një ndërhyrjeje në hundë, pasi e ka të thyer. Ai ka marrë goditje edhe në kokë, ndërsa ka pësuar lëndime edhe në gjunjë pasi ka rënë nga biçikleta.
Po ashtu burime bëjnë të ditur se grabitësit janë larguar në këmbë në drejtim të Zogut të Zi.