Vjedhjet e vilave të futbollistëve më në zë në Serie A, tashmë janë bërë modën në Itali.
Së fundmi pre ka rënë mesfushori serb Sergei Milinkoviç-Saviç. Lojtari që luan me fanellën e Lazios ndërkohë që po shkëlqente në fushë në ndeshjen ndaj Juventusit, hajdutët kanë përfituar nga rasti për të hyrë në vilën e tij dhe për të vjedhur sende me vlerë.
Policia e Formello-s raportoi se ka marrë në shqyrtim kamerat e sigurisë dhe ka vënë re që kanë qenë tre grabitës që kanë zhvilluar aksionin dhe më pas janë larguar me një makinë që erdhi t’i marrë aty pranë.
Paraprakisht bëhet fjalë për një dëm me vlerë rreth 100 mijë euro, shumë pak prej të cilave janë para kesh, pasi pjesa tjetër janë sende me vlerë si ora dore dhe varëse floriri, unaza, etj. Ndërkohë, ky nuk është rasti i parë që një shtëpi në pronësi të një futbollist grabitet në Itali, 1 muaj më parë banesa e Mertens dhe Zielinskit u vodhën në Napolit.