Elvana Gjata ka uruar festën e Fitër Bajramit për të gjithë besimtarët myslimanë! Edhe pse i përket fesë katolike, këngëtarja ka bërë gjestin e përzemërt duke i kujtuar të gjithë fansat e saj myslimanë në këtë ditë të veçantë. “Gëzuar festen e Fitër Bajramit të gjithë besimtarëve Myslimanë! #eidmubarak”, shkruan ajo në postimin në Instagram.
Por fotoja e përzgjedhur ka ngjallur debate pasi në të shfaqen disa gra myslimane të mbuluara duke u falur. Disa prej fansave shprehen të irrituar se kjo foto nuk ka lidhje me Shqipërinë, ndërsa të tjerë kanë cekur temën e mbulimit të grave myslimane. “Ok gëzuar, por kjo foto nuk ka të bëjë më islamin në Shqipëri. lidhet më shumë me islamin në vendet arabe ose gjetkë”!
“Foto e frikshme, më kap panik”. “Çfarë janë këto hije të bardha na fëlliqe Shqipërinë”. Ka dhe nga ata që e quajnë një gjest fisnik këtë postim të lëngëtares, duke qenë se ajo i përket besimit katolik: “Shumë fisnike nga ana jote, Gëzuar”. “Bravo @elvanagjataaaa pavarësisht që s’je myslimane, e urove Bajramin në mënyrën më të mirë dhe të sinqertë të mundshme. Yll”. Këngëtarja ka zgjedhur të mos replikojë më asnjërin prej tyre, të paktën për momentin!
