Rruga Tiranë-Elbasan e cila ka nisur të ndërtohet që prej një dekade duket se nuk do të përfunojë asnjëherë. Pavarësisht se kryeministri Edi Rama premtoi se të gjitha punimet po mbyllen deri në 17 maj, kanë mjaftuar pak reshje shiu dhe në këtë aks janë regjistruar përsëri rrëshkitje të dherave. Kjo e bën të pasigurt afatin e dhënë nga Ministrja e Infrastrukturës për përfundimin e punimeve.
“Mbrëmë në darkë kemi bërë provat e para, ndërkohë që sot është e hapur për kalimin e të gjithë automjeteve. Pas 8 vitesh është hera e parë që njerëzit ikin pa trafik në Elbasan për Ditën e Verës.Tashmë janë përfunduar 95.3% e të gjitha punimeve. Pjesa e mbetur siç folëm dhe me kompaninë, do të dorëzohet sipas afatit të vendosur, më 17 maj”.
Por duket se kjo deklaratë e ministres Belinda Balluku është vetëm një premtimi i radhës.
Kanë mjaftuar pak reshje shiu dhe përgjatë rrugës Tiranë-Elbasan janë rikthyer rrëshkitjet e dherave, shkruan meganews.al
Nga planet shihet se në Ibë, ku pak kohë më parë pati rrëshqitje dherash, zona mbetet e paqëndrueshme pavarësisht studimeve dhe masave të marra.
Rruga Tiranë-Elbasan ka nisur të ndërtohet rreth 8 vite më parë dhe për të është shpenzuar dy-fishi i fondeve të vënë në dispozicion.
Punimet për këtë rrugë nisën në vitin 2011 dhe u tenderua me 300 milionë dollarë por që aktualisht ka arritur në 425 milionë dollarë dhe akoma nuk ka përfunduar.
Rruga Tiranë-Elbasan është një projektet nga më të rëndësishmet infrastrukturore në Shqipëri por ajo është transformuar në një barrë të rëndë për buxhetin e shtetit.