Policia e Elbasanit ka sekuestruar armën e zjarrit me të cilën u krye vrasja e Emiljano Ramazanit më 20 Korrik, si dhe ka vënë në pranga babë e bir, të dyshuar si autorë të ekzekutimit. Ata janë identifikuar me inicialet: A. M., 64 vjeç dhe S. M., 37 vjeç, lindur e banues në Peqin.
Pas informacioneve se në ambientet e biznesit të tyre në Peqin ishte fshehur arma e krimit, u ushtrua kontroll i befasishëm dhe si rezultat, poshtë sabratorit të një makine u gjet një armë zjarri pistoletë model 54 TT, me një krehër dhe një fishek luftarak, me të cilin dyshohet të jetë ekzekutuar Emiljano Ramazani.