Detaje të reja kanë dalë në dritë në lidhje me ekzekutimin mafioz të ish-anëtarit të bandës së Lushnjes, Alban Semaku në Peqin. 38-vjeçari që njihej edhe me emrin Elton Kinezi u gjet i vrarë me armë zjarri ditën e diel pranë lumit Shkumbin.
Semaku dyshohet se është nxjerrë në pritë nga persona që nuk janë identifikuar. Nuk përjashtohet mundësia që në drejtimin e makinës që dërgoi Semakun pranë lumit Shkumbin të ketë qenë një femër.
Nga këqyrja paraprake e vendit të ngjarjes por dhe nga dinamika e ekzekutimit dyshohet që viktima ka tentuar të largohet duke kaluar murin por nuk ka mundur.
Ajo që e përforcon më shumë këtë variant është fakti që dy nga katër gëzhojat të dyshuar të kalibrit 9 mm të cilat janë gjetur në vendin e ngjarjes dhe sekuestruar. Nga dëshmitë e banorëve të zonës nuk janë dëgjuar të shtëna çka ngre dyshime të forta se autorët kanë qëlluar me një armë me silenciator.