Prindërit e 26-vjeçarit Ervis Zotkaj një prej autorëve të vrasjes së 50-vjeçares Drita Saliaj në fshatin Gjerbës të Mallakastrës kërkojnë drejtësi nga shteti për djalin e tyre.
Ata kërkojnë që djali i tyre të pushkatohet, dhe se janë gati ta vrasin me duart e tyre për krimin e rëndë që ka bërë.
Çfarë ka ndodhur ditën që ka ardhur policia?
Policia erdhi në 4, ishim në gjumë. hapa portën, më thanë jemi policia, ku e ke djalin. Ju thashë që nuk e di. Më thanë gjej djalin. Iu thashë të shikonin brenda në shtëpi, se unë nuk e di. Djali kishte vajtur te një kushëri, që banon në Greqi, dhe vajtën e kapën atje dhe e morën me makinë.
Keni folur me djalin pas 5 janarit? Flet nëna
Jo, ishte si i tërbuar. Nuk hante bukë në rregull, ikte shpeshherë. Dua dënimin më të rëndë, ta çoni e ta lyeni me benzinë e ta vrisni. Ajo gruaja është shumë e mirë, shumë e ndershme. Për Vit të Ri e urova, e pyeta me kë e kaloi, më tha vetëm. Unë jam ta pushkatoni në vend djalin. Ai vinte e ikte të shtunën, mora dhe vajzën në telefon, po më tha ashtu bën ai. Ishte si i hutuar, i trembur. Luisi ishte në Greqi, atë tjetrin nuk e njoh fare.
Do ta përfaqësoni djalin në gjykatë?
Jo, jo. Djalin e mbështes me plumb në kokë, kaq. Unë dua të pushkatohet
këtu në fshat, se nuk e dua. Të ma bënte mua nënës më parë, pastaj
Dritës. E kemi rritur me lakra, na janë këputur duart duke punuar për të
dhe të na bëjë këtë. Unë kam katër djem e tri vajza, tani kam gjashtë
fëmijë. Të ma sjellin këtu, po s’e vrava, mos më quani të tillë. Ai më
ka borxh kokën. Unë do ik nga këtu dhe do shkoj në Gjerbës e do i them
më vrit mua. Unë si prindër vete vetë atje dhe iu them të më
pushkatojnë.