Tre persona janë arrestuar këtë pasdite në Kukës dhe një tjetër është shpallur në kërkim, të akuzuar për kanosje të punonjësit të policisë.
Me një njoftim për mediat, Policia bën me dije se kishte ndaluar në aksin rrugor Krumë-Letaj drejtuesi e një kamioni pa targa që po transportonte krom.
Punonjësit e Policisë i kanë kërkuar drejtuesit të mjetit shtetasit A. D., dokumentacionin e mjetit dhe të ngarkesës, por shtetasi A. D. i ka kundërshtuar punonjësit e Policisë dhe nuk ka dhënë asnjë dokument.
Në këto kushte punonjësit e Policisë e kanë shoqëruar, për t’i bllokuar mjetin në ambientet e Komisariatit të Policisë Has.
Por, gjatë shoqërimit në Komisariatin e Kukësi, familjarët e shoferit, konkretisht vëllezërit B. D., D. D. dhe kushëriri i tij B. D., janë konfliktuar dhe kanë kanosur punonjësit e Policisë, me qëllim që të mos bllokonin kamionin.
Me ardhjen e forcave të tjera të Policisë në ndihmë është bërë shoqërimi i tyre në ambientet e Policisë.