E dashura kosovare e Nuredin Dumanit ka dalë sot në Gjykatën e Elbasanit për t’u njohur me masën e sigurisë.
20-vjeçarja Mirejetë Hajdini ka deklaruar se nuk kishte dijeni që “serial killeri” kishte probleme me ligjin dhe e njihte me emër tjetër.
Ajo tha para togave të zeza se Nuredin Dumani e kishte gënjyer për identitetin dhe moshën, si edhe “do të martoheshin së shpejti.
“Nuk e kam pas idenë se mund të kishte identitet tjetër dhe se kishte probleme me ligjin. E njihja me emër tjetër, më kishte thënë se ishte 27 vjeç dhe se do fejoheshim së shpejti”, rrëfeu 22-vjeçarja, raporton News 24.
Ndërkohë, dy vëllezërit e Mirejetë Hajdinit mësohet se kishin ardhura nga Kosova dhe kanë qëndruar jashtë gjykatës në pritje të masës për motrën e tyre.
Prokuroria e Elbasanit kërkoi arrest me burg ndaj 20-vjeçares. Ajo akuzohet për armëmbajtje pa leje, prodhimi i armëve shpërthyese e municionit, si dhe përkrahje e autorit të krimit.