Një 63-vjeçar ka humbur jetën paraditen e sotme teksa është përplasur nga një makinë. Ngjarja ka ndodhur mëngjesin e sotëm në aksin rrugor Tiranë-Durrës ku mjeti ende i paidentifikuar përplasi Xh.S.
Ky i fundit ishte duke lëvizur me biçikletë, dhe mësohet se ka ndërruar jetë në vend.
Durrës/Informacion paraprak
Më datë 25.04.2020, rreth orës 07:35, në aksin rrugor Tiranë-Durrës, një mjet akoma i paidentifikuar ka përplasur shtetasin Xh.S.,63 vjeç, i cili po levizte me biçikletë, ku për pasojë ka ndërruar jetë.
Grupi hetimor ndodhet në vendngjarje dhe po punon për zbardhjen e plotë të aksidentit.