Një 25-vjeçar është vënë në pranga nga policia e Fierit pasi ka qëlluar me shkop të ati e tij duke i shkaktuar vdekjen e menjëhereshme. Erdis Rapi ka goditur per vdekje te atin e tij, Dhori Rapi, 52 vjec.
“Sot rreth orës 11:50, në fshatin Luar, Roskovec, në banesën e tij, shtetasi E. R., 25 vjeç, për motive të dobëta, ka goditur në kokë me sende të forta(shkop), babain e tij, shtetasin Dh. R., 52 vjeç, i cili ka gjetur vdekjen e menjëhershme”, thuhet në njoftim.
Policia ka bërë të mundur kapjen e autorit dhe shoqërimin e tij në Komisariatin e Policisë.
Po kryhen veprimet procedurale dhe hetimore për zbardhjen e plotë të rrethanave të ngjarjes.