Një 45-vjeçar është vënë në prangat e policisë së Vlorës pasi ka dhunuar ish bashkëshorten dhe vajzën e tij. Ai nuk kursen as dhunën ndaj një qytetari i cili kishte ndërhyrë për të qetësuar situatën.
Sipas policisë, G.K, “mbrëmjen e kaluar, në lagjen “10 Korriku” Vlorë, ky shtetas për motive të dobëta ka ushtruar dhunë fizike ndaj ish-bashkëshortes dhe vajzës së tij si dhe ka goditur edhe një shtetas tjetër i cili po kalonte rastësisht dhe ka ndërhyrë për të qetësuar situatë”.
Policia ka arrestuar në flagrancë për dhunë në familje dhe plagosje të lehtë me dashje 45 vjeçarin G.K., me banim në Vlorë.
Materialet iu referuan Prokurorisë për veprat penale “Dhuna në familje” dhe “Plagosje e lehtë me dashje”.